libeneke la kubenea
Kwenye ukurasa wa mbele kuna habari iliyozua kasheshe Tanzania. Habari hii ilitoka kwenye gazeti la Mwanahalisi la Jumatano la kupokelewa kwake kumekuwa na hisia za aina yake kwani siku ya pili yake Wizara ya Habari, Utamaduni na Michezo iliandika barua kwa Mwanahalisi kutaka maelezo juu ya habari hiyo ambayo kwa maoni ya serikali inaonekana ni kiuchochezi na kiuchonganishi.
Watu wa serikali wanaona kuwa habari hiyo ilikuwa na lengo la kumchonganisha Rais na viongozi wenzake wa CCM hasa Mhe. Edward Lowassa na Bw. Mhe. Rostam Aziz.
Lakini zaidi ni mstari ambao unaonekana kumgusa Rais Kikwete na mwanawe Ridhiwani ambaye anaonekana kuhusika katika hicho ambacho gazeti la Mwanahalisi limekiandika na unaweza kusoma kwenye ukurasa wa mbele wa http://www.klhnews.com
Lakini hapa Bw. Kubenea anaelezea upande wake na tutajitahidi kupata upande wa serikali mwishoni mwa juma hili. Soma habari yenyewe, kisha amua kama kweli inaweza kusababisha gazeti kufungiwa, kama ni ya kichochezi kiasi cha kutishia Urais wa Kikwete na kama inasema jambo lolote ambalo halijawahi kusemwa na watu wengine (sisi Cheche liligusia suala la Lowassa kuwa Zuma wa Tanzania karibu mwezi sasa umepita).
Je gazeti hili limeendelea kuwakwaruza watawala na sasa wakati umefika kuliondolea uvivu? Je mipaka ya uhuru wa habari ni nani anaichora, watawala? Je mtawala ambaye ana uwezo wa kuamuru nini kisemwe na nini kisisemwe pale yanapokuja maswala yake anafanya hivyo kwa maslahi ya Taifa na Katiba au kwa sababu sasa ni zamu yake na kashikwa pabaya?
Je Taifa lisiloliinda Uhuru wa maoni ya kijinga, na ya kipuuzi, litaweza kulinda uhuru wa maoni ya heshima na yasiyoudhi na yanayoonekana ya kiakili? Je mtu mwenye maoni ambayo siyo ya kufurahisha anayo haki ya kuyatoa hata kama yanaudhi? Au haki hii ya maoni iko kwa wale waimbao sifa za watawala na wachezao ngoma ya watawaliwa!?
Title: KLH News Episode:
Serikali yaipiga mkwara Mwanahalisi, Kubenea ajibu hoja!
/entry/2008-10-09T22_54_00-07_00
mymedia/thumb/13384/300x300_1272427.jpg
No comments:
Post a Comment