Monday, July 7, 2008

kubadilishana jezi, salamu toka kwa chibiriti
mchezaji wa timu ya rose garden (shoto) ssebo akibadilishana jezi na mchezaji wa regency park hotel baadaa ya mchuano wao uwanja wa lidaz kinondoni wakati wa siku ya warembo kuosha magari kwa hisani kusaidia wagonjwa wa sickle cell.

Habari Bro. Michuzi,
Kwanza kabisa salamu sana kwa wadau wote. Kuna habari imenisikitisha hapa, mimi ni mpenzi sana wa michezo hasa kabisa soka, yaani mpira wa miguu ninapenda sana. Kila siku lazima nipitie kuangalia magazeti, Tv na blog mbalimbali.

Leo jioni hii nimepitia gazeti moja la hapa Italy na kipindi cha michezo cha jioni kwenye Tv ya taifa Rai 3, nimekutana na hii habari, (kashfa) wanasema kuwa Tanzania imetia aibu kwenye michezo ya mpira, kutokana na skendo ya kubadilishana jezi mchezaji wetu na Eto'o wanasema walifikiri Tanzania ipo mbele kwa mambo haya kumbe kuna shida dogo kama hizi ambazo zinakuwa kubwa na ni aibu.


Mimi sikujua habari hii nilishangaa sana baada ya kusoma gazeti na kusikia kwenye Tv, kweli ni ajabu sana imetokea nini? Kwetu sisi ni jambo dogo sana, lakini kwa wenzetu hawa ni ishu.


Tena habari nimeisikia leo wakati mechi imesha pita siku nyingi kweli kasheshe, kubadilishana jezi mbona ni kitu cha kawaida kabisa kwenye mchezo wa mpira na jezi ni shilingi ngapi mpaka tujiaibishe hivi? Ni aibu kweli kwa Taifa letu, sikutengemea kabisa.

Basi niishie hapo
Ni mimi yule yule wa Cesena, Italy
Baraka Chibiriti
kaka chibiriti,
kwanza asante sana kwa kuibuka kwenye globu hii ya jamii. wadau huwa wanakumiss sana kaka, usikae kimya hivyo. pia nafurahi kuona wewe ni mmoja wa wadau takriban asilimia 95 wanaoangalia habari za kila siku kupitia jamvi hili maridadi. asante sana
kuhusu sakata la jezi la canavaro na eto'o kwa taarifa yako na wengine ambao hamna habari hiyo ni kwamba baada ya afisa mmoja wa shirikisho la soka (tff) na kuanza kimdai mchezaji huyo, rais wa tff leodgar tenga, aliingilia kati na kuamuru kesi iishe na mchezaji huyo hakuwa na hatia kwani ni jambo la kawaida kabisa katika michezo. hivyo hilo swala, ambalo kweli afisa huyo alichemsha na kulitia aibu taifa, sasa limekwisha na sidhani kama litarudiwa.
-Kadidi

No comments: