Chris Tucker adata na Maajabu Ngorongoro...

Mwigizaji maarufu na mcheza sinema kutoka Marekani,Chris Tucker akiwaimbia wimbo wa mwanamuziki Michael Jackson,Wamasai aliowakuta katika Hifadhi ya Ngorongoro juzi.
--------
MCHEKESHAJI maarufu wa Marekani Chris Tucker amesema kuwa atakuwa “balozi wa hisani” wa Mamlaka ya Hifadhi ya Ngorongoro ili kuitangaza hifadhi hiyo duniani .Amesema kuwa baada ya kuvutiwa na maisha mseto kati ya wanyama na binadamu katika hifadhi hiyo.
Tucker ambaye alikuwa mjini Arusha kuhudhuria mkutano wa nane wa taasisi ya Leon Sullivan akizungumza na waandishi wa habari baada ya kutembelea kreta ya Ngorongoro na kujionea vivutio mbalimbali vya utalii vilivyoko ndani yake alisema:
Nimekubali kuwa eneo hili ambalo bado liko katika hali yake ya asili kutokana na uhifadhi uliofanywa ni moja ya maajabu nane ya dunia yanayozungumzwa na nimevutiwa sana kuona wanyama na binadamu wanaishi pamoja.
Alisema hifadhi hiyo inapaswa kutangazwa zaidi kimataifa ili kuwapa fursa watu kutoka mabara mengine kuitembelea na kujionea maajabu na vivutio vilivyoko ndani yake.Katika ziara hiyo msanii huyo alikuwa amefuatana na mjumbe wa Bodi ya Mamlaka ya Hifadhi ya Ngorongoro, Elivis Musiba na Katibu wa Baraza la Biashara la Taifa (TNBC) Dan Mrutu.Habari hiina Msimbe Lukwangule.Picha na Paul Sarwatt