Tuesday, December 8, 2009

libeneke la magari bei poa

Kaka kwa heshima kubwa naomba msaada wako wa kuijulisha jamii ya kitanzania kuhusiana na tovuti yao ya


inayohusiana na kuuza magari,hii ni tovuti isiyo na gharama kwa mtanzania yeyote anayetaka kuuza gari lake kupitia humu,anachotakiwa kufanya ni kujisajili na kuweza kutuma picha na maelezo ya gari lake bila gharama yoyote.

Sisi tumechagua njia hii kuwatumikia watanzania wenzetu kwa maana tunaamini Tanzania itajengwa na wenye moyo. Hivyo basi tunapenda kuwakaribisha jamii nzima ya kitanzania kutembea tovuti hii ambayo inapatika katika lugha ya KIINGEREZA NA KISWAHILI.
Tunatanguliza shukurani kwako Mh
Magaribeipoa team.

Friday, December 4, 2009

Keep In Mind!
Je, Ni Vibaya Kwa Mwanammke Kumtongoza Mwanamme?


Je, ni vibaya kwa mwanammke kumtongoza mwanamme?
- Katika mila na tamaduni zetu inachukuliwa si uanauke kwa mwanammke kuwa wa kwanza kuchukua hatua ya kumtongoza mwanamme. Na mwanamme anadhani anatarajiwa ( dhana potofu) kuwa awe ‘ simba wa kumrarua’ mwanamke. Inakuwaje basi, pale mwananmke anapomtamani mwanamme kimapenzi na mwanamme asielewe kwa haraka kama amependwa? Ni vibaya kwa mwanamke kuanza kumtongoza mwanamme? Fuatili pia mada hii kwenye; http://www.kwanzajamii.com

Tumekuwa Watu Wa Ovyo Ovyo!


Sio maneno yangu ila nikutoka kwenye mtandao nikaona nibora tushee pamoja uchoyo si mzuri jamani hata kwa makala.
Sanamu hiyo ya mzee anayepiga ngoma inayotoa maji ( sasa haitoi) nimeiona tangu nikiwa chini ya miaka mitano kiumri. Iko kwenye bustani ya Mnazi Mmoja wilayani Ilala. Nilipita mahali hapo jioni ya leo, pamenikumbusha utotoni. Ndio, ni enzi hizo ambapo wazazi wetu walikuja mahali hapo kupumzika nyakati za jioni na sisi watoto wao. Leo mahali hapo pamefungwa, watu wa Darisalama hawaruhusiwi kuingia hapo kujipumzisha. Muhusika hapo ameniambia wakiwaruhusu watu, basi huchafua eneo hilo hata kwa haja ndogo na kubwa! Kuna choo cha public mahali hapo, lakini ni cha kulipia.

Kwanini tunashindwa kuwa na taratibu zitakazorudisha utamaduni wa watu kujipumzisha bustanini kama ilivyo kwa jirani zetu wa Kenya pale Nairobi? Nahofia kuna watoto wa kizazi cha sasa ambao hawaelewi hata bustani ya kupumzikia ina maana gani kwao. Jamani, nahofia hata baadhi ya viongozi wakiwamo baadhi ya waheshimiwa madiwani wa jiji hawaelewi umuhimu wa bustani. Ndio, maana kuna kiroja kimetokea mjini na hakuna anayelalamika au kuandika gazetini. Pale viwanja vya Mnazi Mmoja siku hizi wanakodisha kwa ajili ya shughuli za harusi binafsi! Ndio, kwenye bustani ya umma.
Kuna wajanja wamejitengenezea kamradi kao.

Watu wa Darisalama lazima waamke na kukataa ujinga huu. Itakumbukwa miaka ya 90 enzi za Meya Kitwana Kondo kuna mfanyabiashara kwa jina la Baghdad alipewa ruhusa na jiji ajenge jengo la ghorofa la biashara katika bustani hiyo na chini kuwe na maduka yanayozunguka bustani. Basi, mfanyabiashara yule akazungushia mabati bustani ile tayari kwa ujenzi. Watu wa Darisalama walikataa ujinga ule, wakagawana mabati yale. Baadae Serikali kupitia Wizara ya Ardhi na Maendeleo ya Makazi ikapiga 'stop' ujenzi huo. Walichopigania watu wa Darisalama wakati ule ilikuwa ni haki yao ya kutumia viwanja hivyo kwa mapumziko. Kinachotokea sasa hakina tofauti sana na cha miaka ile ya 90. Viwanja vya umma vilivyotengwa kama bustani ya kupumzikia kwa umma vinabinaifsishwa kiholela. Kamwe, watu wa Darisalama na Watanzania kwa ujumla hatutakubali kuchungulia kwenye matundu ya ukuta , harusi na shughuli binafsi kwenye viwanja vya umma, tena vya kupumzikia. Wahusika wabadili utaratibu huu wa sasa, wavirudishe viwanja hivi vya umma vya kupumzikia kwa wenye navyo, wananchi. Kumbi za kufanyia sherehe binafsi ziko tele mjini!
Ni Mwaka Wa Chelsea England?
Klabu ya Chelsea inayoshiriki ligi kuu ya England (Premium Liege)imeonesha mafanikio ya hali ya juu katika mzunguko wa kwanza wa ligi hiyo. Hii imeibua maswali kadhaa miongoni mwa wadau wa soka na wengine wameshatabiri kwamba kama itaendelea na mwendo huo lazima itautwaa ubingwa wa soka nchini humo. Hadi sasa Chelsea tayari imeshinda mechi zote dhidi ya klabu kubwa za nchini humo(The Big Four)

Kocha mkuu wa klabu ya Chelse Carlo Ancheloti

Mshambuliaji hatari wa klabu ya Chelsea, Didier Drogba akifunga mojawapo ya magoli uwanjani.

Mshambuliaji hatari wa klabu ya Chelsea, Didier Drogba akishangilia mojawapo ya magoli yake msimu huu.

Wachezaji wa Chelsea wakiwa katika picha ya pamoja.

Wacheaji wa timu ya Chelsea-The blues wakiwa katika harakati mbalimbali za mafanikio ya soka.


Benki ya EXIM yazindua akaunti ya Faida
Gavana wa Benki Kuu ya Tanzania, Beno Ndulu (kushoto) na Mwenyekiti wa Benki ya Exim, Yogesh Manek, wakiwa na mfano wa kadi ya ATM, mara baada ya kuzindua huduma mpya ya Faida Accont na kadi ya Faida, itakayomwezesha mteja wa benki hiyo kuchukua fedha katika benki yeyote ndani na nje ya nchi. Hafla hiyo ya uzinduzi ilifanyika jijini Dar usiku kuamkia jana
Gavana wa Benki Kuu ya Tanzania, Beno Ndulu (kushoto), akikata utepe kuzindua huduma mpya ya Faida Kadi itakayomwezesha mteja wa benki hiyo kuchukua fedha katika benki yeyote ndani na nje ya nchi. Kulia ni Mwenyekiti wa Benki hiyo Yogesh Manek. Hafla hiyo ya uzinduzi ilifanyika jijini Dar usiku kuamkia jana.

Profesa Ndullu akiwa na wakuu wa Exim bank

Benki ya Exim imezindua akaunti ya Faida ambayo itamuwezesha mteja kuchukua fedha kwenye mashine za ATM ya benki yoyote.

Mbali na faida hiyo gharama za kufungua akaunti hiyo ni chini na zinamuwezesha Mtanzania yoyote kumudu gharama za kufungua akaunti hiyo.

Akaunti hiyo inafunguliwa kwa shilingi 5000 tu.

Uzinduzi wa akaunti hiyo ulifanywa na Gavana wa Benki Kuu Prof. Benno Ndulu ambaye aliipongeza benki kwa ubunifu wake na kuzishauri benki nyingine kuiga mfano huo.

“Tuwe wabunifu kama benki hii kwani kwa kufanya hivyo tutaweza kuwaletea Watanzania maendeleo kwa haraka,”

Naye Mwenyekiti wa Bodi ya Benki hiyo Yogesh Manek aliwashauri wateja wa benki hiyo kufanya manunuzi kwa kutumia kadi hiyo kwani huduma hiyo ni bure.

Mkurugenzi Mtendaji wa Benki hiyo,Bi. Sabetha Mwambenja alisema jana wakati wa uzinduzi , akaunti hiyo kwamba akaunti hiyo inawafaa zaidi wafanyabiashara ndogondogo na wa kati wafanyakazi wa sekta ya Umma na Binafsi na wanachama wa vikundi vya kuweka na kukopa.

“Kutokana na huduma zinazopatikana katika akaunti hiyo, akaunti ya Faida itawawezesha wateja wetu kujenga tabia ya kujiwekea akiba”alisema.

Alifafanua kwamba mbali na kufungua akaunti hiyo kwa shilingi 5000, , wateja wa benki hiyo pia wanapata kadi ATM ambayo inawawezesha kuchukua fedha hata nje ya nchi kwani imeunganishwa na mtandao wa kimataifa wa fedha wa MasterCard .

Alisema Faida akaunti hiyo ni pamoja na kupata huduma za hundi.

Alisema mbali na Faida inajenga mahusiano mazuri na wateja wake kwani mteja anapopata kifo cha ajali analipwa bima ya shilingi milioni 1 bure.

“Tuwe wabunifu kama benki hii kwani kwa kufanya hivyo tutaweza kuwaletea Watanzania maendeleo kwa haraka,”


Thursday, December 3, 2009

jamani tembea uone !!!
Jana katika pita pita zangu za hapa na pale nilikuwa na rafiki yangu. Alikuwa na gari yake akaniparide kama watoto wamjini wasemavyo jamani safari kweli ilikuwa nzuri kwa maana yale yote tuliyoyafata town tulifanikiwa kama tulivyopanga ila ilijitokeza dosari jamani kweli bongo mambo kweli yanafanywa kweli kiswahili kwanini nadiriki kusema hivi ni kwa kitendo cha jana kukamatwa kwa kitendo cha kusimama kidogo mahali na hii sio kwamba dereva alishuka ila ni kwa mimi kushuka na kutoka kidogo nakumuacha jamaa kwa gari maana yeye ndie alie kuwa kiendesha kidogo akakamatwa kosa la kupark sehemu ya maegesho ya Taxi
maswali nayo jiuliza kwa sasa ni kama ifuatavyo ::

1) mbona hakukuwa na tangazo !!
2)
Kupaki gari nikuwa na mtu ndani au kuliacha gari inakuwaje hii !!
3) Faini kwa nini iwe kubwa kiasi cha laki moja !!
4) Sehemu hiyo kulikuwa hakuna Taxi tatizo liko wapi na wakati hatukuchukua muda na pia dereva alikua kwa gari !!

Jamani tuchangie katika kuwekana sawa katika hili iwe nchi yetu iwe sehemu bora pakuishi .
kiplefti mjini sumbawanga

MKAZI wa mjini Sumbawanga , mkoani Rukwa akiwaonyesha watoto wake kwa mshangao mkubwa , shimo kubwa kando ya barabara ya Kiwelu ni mojawapo ya barabara zilizofanyiwa ukarabati mkubwa na kuwekewa lami hivi karibuni , pamoja na kwamba shimo hilo ni uharibifu ulosababishwa na mvua kubwa zinazoendelea kunyesha sehemu mbali mbali mkoani hapa , lakini bado wakaazi wengi wa mjini i hapa wanadai barabara hizo zote zenye zaidi ya urefu wa kilomita zimejengwa chini sana ya kiwango. Picha na mdau Peti Siyame.
majembe yakabidhiwa rungu kusimamia huduma za safari

Mkuu wa Usalama barabarani James Kombe (pichani) akizungumza jijini Dar kuhusu utoaji huduma ya usafiri kupitia kampuni ya Majembe Auction Mart.

SUMATRA imeanzisha utaratibu mpya wa kuleta maboresho katika usafiri wa umma na kuondoa kero kwa wakazi wa jiji wa Dar.
Yania Kuanzia Desemba 1, 2009 Kampuni ya MAJEMBE AUCTION MART imekasimiwa kazi ya kusimamia, kufuatilia na kufanya ukaguzi wa utekelezaji wa masharti ya leseni ya kusafirisha abiria katika jiji la Dar na kituo Kikuu Cha Mabasi Ubungo.

Mbali na kufanya kazi kwa karibu na Trafiki ambao ndio wanawajibu wa kusimamia sheria zote za nchi, Mamlaka itakuwa na utaratibu wake wa kufuatilia utendaji wao.

Wenye vyombo vya Usafiri, wafanyakazi wao, abiria na wananchi kwa ujumla wanaombwa kutoa ushirikianao wa hali ya juu ili kuleta maboresho yenye manufaa kwa umma.