Kampeni za Uchaguzi Tarime

Noma Tupu:Mbwa avaa fulana ya

CCM,auawa,mmiliki akamatwa....

Wafuasi wa CHADEMA na NCCR-Mageuzi wakishangilia huku wakimpitisha mitaani mbwa aliyevishwa fulana yenye nembo za CCM, mjini Tarime juzi
Mbwa ambaye alivalishwa fulana ya CCM yenye picha ya mgombea ubunge wa chama hicho akiwa mitaani huko Tarime kabla ya kuawa na mmliki wake kutiwa mbaroni Alhamisi

------------------

Frederick Katulanda na Mussa Juma,Tarime
KAMPENI za uchaguzi wa ubunge na udiwani wilayani Tarime zimezidi kuchukua sura tofauti baada ya watu wasiojulikana kumvalisha mbwa fulana yenye picha ya mgombea wa ubunge wa CCM,Christopher Kangoye na kurandaranda naye katika mitaa ya mji wa Tarime.

Kampeni hizo,licha ya kutawaliwa na kashfa na maneno makali kama zilivyo kampeni nyingine za kisiasa,zimekuwa na matukio mengine mengi yakiwemo ya kutunguana kwa mawe,majaribio yasiyofanikiwa ya biashara ya shahada za kupigia kura,kuchoma fulana za vyama na kupigwa mawe kwa gari la kampeni.

Lakini jana matukio hayo yalipanua wigo wake kutoka kwa binadamu aliyejaliwa akili za kujua mema na mabaya hadi kwa hayawani wa kufugwa.Mbwa aliyekuwa amevishwa fulana ya rangi za kijani na njano yenye picha ya mgombea wa CCM,alionekana kuanzia majira ya saa 1:00 jioni akikatiza mitaa mbalimbali akiwa ndani ya nguo hizo zinazovaliwa na wafuasi wa CCM kumnadi mgombea wao kabla ya uchaguzi uliopangwa kufanyika Oktoba 12.Bofya na Endelea..>>>>