Nyie Taifa Stars Msifungwe

Kipuuzi- Bendera

Wachezaji wa timu ya soka ya taifa,Taifa Stars wametakiwa kushinda mchezo dhidi ya Mauritius utakaofanyika mwishoni mwa wiki hii mjini Mauritius ili kujenga heshima ya nchi na kupanda kwenye chati za viwango vya soka vya Fifa.Naibu Waziri wa Wizara ya Habari,Utamaduni na Michezo,Joel Bendera alitoa mwito huo kwa wachezaji wa Stars jana wakati wa hafla fupi ya kuwaaga na kuikabidhi bendera ya Taifa kabla ya kuondoka.

Bendera aliwataka wachezaji hao kutambua mchezo huo ni muhimu na wanatakiwa washinde pamoja na kuwa nafasi ya kufuzu kucheza fainali za Kombe la Mataifa ya Afrika na zile za Kombe la Dunia nchini Angola na Afrika Kusini haipo.Aidha aliwataka wachezaji hao kutofungwa mabao ya kipuuzi na badala yake waweke umakini na mkazo katika mchezo.

Alisema,kilichobaki kwa wachezaji hao ni kulinda na kujenga heshima ya nchi na kujiweka nafasi nzuri katika viwango vya soka duniani.Habri hiii na Betram Lengama/TSN